KAIKUk atzo jakinarazi zuenez, aurten amaitutzat emango du KAIKU txirrindulari taldeari ematen zion babesa. Jakina zen proiektu hau motza izan zitekeela, bi urteotako kontratua sinatu baitzuten. Nahiz eta KAIKUk positiboki baloratu bi urteotako lana, seguru nago Espainiako Itzulian parte hartu ezin izanak bere pisua izango zuela. Pena. Beharbada taldeak beste babesleren bat aurkitzeko aukera izan dezakeela dirudi. Ia egia den!
Liberty izena zeraman taldeari dagokionez, berriz, Tourrean parte hartzeko arazorik ez duela izango dirudi. UCI Pro Tourreko Kontseiluak aztertu berri ditu ASTANA-WÃœRTH taldearen egoera finantzieroa eta guztia zuzen omen dago. “Operación puerto”ri dagokionean, Kontseiluak ez omen du jaso behar besteko informaziorik Espainiako Justiziaren partetik taldeari parte hartzen ez uzteko erabakitzeko. Comunitat Valencianaren kasuan, ordea, kontrakoa izan da eta gonbidapenik gabe geratu da. Norberak atera ditzala bere ondorioak.
Asturiasko Itzuliko 4. etapa eguraldi oso kaskarrarekin egin behar izan zuten, euripean. Horrek lasterketa asko gogortu zuen eta borroka askoren ondoren ihesaldiko gizonek tropelarekiko abantaila txiki batekin iristea lortu zuten. Iheskideen artean azkarrena larrabetzuarra izan zen. Zoronak Mikel!!
Bolo-bolo zebilen zurrumurrua azkenean baieztatu da. Comunitat Valenciana taldea Tourretik kanpo uztea erabaki du ASOk, berauek duela hilabete batzuk luzatutako gonbidapena atzera bota ondoren. Duela hilabete inguru Espainian izandako “Operación Puerto” ospetsuan Labarta, taldeko bigarren zuzendaria bertan sartuta zegoenaren aitzakian berriro ere kanpoan utzi du Tourreko antolakuntzak. Ez ahaztu, Manzano kasuak irten zuenean ere, ordungo Kelme taldea ere Tourretik kanpoan utzi zutela.
Aurrera Marino,
A ze erakustaldia burlatarrak Suitzako itzuliko 6. etapan eman duena. Suitzako mendi garaietan oilarren borroka hasi denean hortxe egon da Koldo Gil, burua hotz. Unerik aproposenean erasoa jo eta bakarrik ekin dio maldaren azken kilometroei. Aurretik zihoazenak harrapatu, gailurrera heldu eta ziztu bizian jeitsi ditu helmugarako geratzen ziren kilometro apurrak. Etapa eta lidergoa berarentzat. Nafarraren atzetik Jorg Jasche eta Jan Ullrich izan dira indartsuenak.