Hilabetekako Artxiboak:martxoa 2006

Gainean dugu iaz UCI Pro Tour ligarekin batera desagertu zen Munduko Kopako lehen klasikoa. Ez gainera edozein klasiko, Flandriako Tourra, Paris – Roubaix, Liege – Bastogne – Liege eta Lombardiako Giroarekin batera “5 monumentuetako” bat baitugu Milano – San Remo klasikoa.

Azken urteetan askotan errepikatzen den esprinta ekiditeko, urtero ibilbidean sartu asmo dituzten aldaketei buruz irakurri ahal izaten dugu, baina aurten ere ez da azkenean aldaketarik izango eta Cipressa eta Poggio mendateak izango ditugu puntu ikusgarrienak bezala. Ez da erraza izango, berriro ere, Via Roman esprinta ikusi gabe gelditzea, ez baitira garai batean bezalako erabakigarriak sortatzen ibilbideko mendatetxoak eta gaurko sprinterrak “erraz” pasatzen dituzte berak. Gainera, hain sasoi puntu onean zegoen, eta tropela hausteko gaitasuna duen gutxietako bat, Paolo Bettini, erorketa baten ondorio, zalantza da. Continue reading “Eta larunbatean… “classicissima””

Lortu du. Ez gauzka ohituta podiumetara beratarrak baina aurten oso sasoiko dago eta gainera gustua hartu dio podiumari.

Italiako Giroan eta beste itzuli handietan morrontza lanak egin beharko ditu baina ea Euskal Herriko Itzulian aurrean, irabazteko lehian ikusten dugun. Onenen pare ibiliko dela seguru! Zorionak!

Jon Bru, ostiralean egin zuen bezala, gaur Santaremgo Itzuliko azken etapan nagusitu da. Oraingoan ere tropela bat eginda iritsi da helmugara eta bertan azkarrena txirrindulari nafarra izan da.

Aipatzekoa da, Jon Bruk bi etapa irabazteaz gain mendiko sailkapena eta puntukako sailkapena ere poltsikoratu dituela.
Segi dezala horrela! Eta ea Euskal Herriko Itzulian, ProTourreko taldeen artean, aurrean ikusten dugun!

Kaiku taldeko txirrindulari nafarrak bere taldearen aurtengo lehen garaipena lortu du Portugalen, Santaremgo Itzulian.

2. etapa honen amaiera aldapa gora izatean tropeleko esprinter nagusien ezin izan dute beraien potentziaz baliatu eta azkenean Jonek aurre hartu die tropeleko guztiei. Ea Espainiako Itzulian parte hartzeko gonbiterik gabe geratu ondoren garaipen onek animuak berpizten dizkien talde euskalduneko txirrindulari eta kide denei.

Garaipen honekin, berriz ere argi geratu da Unipublic-ek hartutako erabakia – Kaiku Espainiako Vueltara ez gobidatzea – ez dela kirol arloan oinarritu. Aupa Kaiku!

Aspaldidanik entzun dut ortzadar maillota soinean daraman gizonak denboraldi horretan ez duela arrakastarik lortzeko modurik izaten.

Egia esateko ez dakit noiztik eta nondik datorren kontu hau, baina egia da azken urteetan, gehiago edo gutxiago, maldizio hori bete dela. Astarloak Kanadan irabazi ondoren, Freire bere lesioekin… baina aurtengo honetan marka guztiak hautsi ditzakeen txirrindulari baten soinean dagoela uste dut. Kontua oker ez baldin badut, Tom Boonenek 10 garaipen lortu ditu dagoeneko, eta denboraldia ez da hasi besterik egin!!!! Egia da oraindik berak esandako helburu nagusiak ez direla iritsi eta horiek pasatakoan egin beharko dugula balantzea baina ortzadar maillota norbaiten bizkarrean ondo badago, belgikar gazte honen bizkarrean dagoela iruditzen zait. A zer txirrindulari puska!!! Ba al da hau baino txirrindulari hoberik zuentzat?