Iragarkiak

Informazioa:Zure iragarkia hemen ikusi nahi? Prezio bereziak herri mailako publizitatean.

Bejondeizula, Eduardo!

2016_Eduardo_SepulvedaBeharbada oraindik denboraldi hasieran gaudelako, Argentinan eta Australian jokatu diren probei ez diet aurrerago jokatzen direnei adinako arretarik eskaintzen. Hala ere, jakina, egunkariko orriak zabaltzean edo sarean sartzean, emaitzak bilatzen ditut, eta bereziki poztu naiz Sepulvedaren etapa garaipenarekin Argentinako San Luisko Tourrean -bigarren bukatu du sailkapen nagusian Dayer Quintanaren atzetik-. Izan ere, ondo gogoan dut iazko Frantziako Tourreko nire kinielan sartu nuela argentinarra, eta itxaropena banuen hirugarren asteari begira puntu zakua betetzen lagunduko zidala. Baina…Erdiak erdi ustel. Ez zen haraino iritsi, ordea.

Gehiago irakurri

Murias Taldea aurrera pausuaren bila

Odriozolaren mutilek erronka handia dute aurtengo egutegian

Dakizutenez, Euskadi – Basque Country izango da Murias Taldearen izena 2016-ean. Euskaltelen agurraren ondoren eta Euskadi Fundazioak Kontinental maila utzi zuenetik Euskal Herriko talde profesional bakarra.

Aurtengo denboraldirako taldea handiagotu da Pello Olaberria, Alex Aranburu, Gotzon Udondo, Mikel Iturria, Aitor Gonzalez gazteen fitxaketekin nahiz eta Cofidisetik iritsi zen Egoitz Garcia eta gaixo ibili zen Haritz Orbe besteak beste galdu dituen arren.

Gehiago irakurri

Tropelako portzentajeak kontutan har ditzake UCIren ranking berriak [inozentada]

Espezialisten txostenaDakizuen moduan UCIk sailkapen unibertsal berri bat proposatu du azken asteetan. Orain arte WorldTour lasterketetako puntuak bakarrik hartzen ziren kontuan sailkapena osatzeko, baina Cooksonek egindako lehen proposamenean kategoria baxuagoko lasterketak ere puntuagarri izatea nahi da.

Zenbait aditu eta matematikari, ordea, arduratuta agertu dira berria jakin dutenean. Beraien esanetan puntu gehiago banatzeak kontrakora pentsatzera bagaramatza ere, txirrindulari gehiagok lortuko lituzkete puntuak eta ondorioz berdinketak izateko aukera nabarmenagoa izango dela adierazi dute 156 orrialdetako txostenean. Hori dela eta, faktore zuzentzaile baten beharra dagoela azpimarratzen dute aipatutako txostenean berdinketa posible horiek ekiditeko. Dioten moduan, aukera desberdinak aztertu ondoren, egokiena Tropelan txirrindulariek lehiaketatan izaten dituzten portzentajeak kontutan hartzea dela ondorioztatzen dute sakon landutako txostenean.

Faktore berri hori #ucifaktorea bezala izendatzen dute txostenean, orain arte ezaguna den #tropelafaktorea-rekin ez nahasteko. Dakizuen moduan #tropelafaktorea-k dagoeneko badu bere esanahia eta hori bere horretan uztea ezinbestekotzat ikusten dute adituek.

Oraindik Cooksonek ez du adierazpenik egin gaiaren inguruan. Aitortu du eskuetan duela txostena eta eskertzen duela horrelako aditu talde batek egin duen lana, kontutan hartuko dutela alegia azken erabakia hartzerako. Gainera Tropelaren 10 urteko ibilbideak faktore zuzentzaileari bermea ematen diola baieztatu du UCIko presidenteak.

Hurrengo egunetan espero da UCIren ranking berriaren behin betiko araudia argitaratzea eta orduan jakingo dugu #ucifaktorea zertan geratzen den.


Eguneraketa: inozentada

Atzoko inozentaden eguna izanik, guk gurean hauxe argitaratzea pentsatu genuen. Egia da UCIk sailkapen berri bat jarriko duela martxan baina ez dago ez adituen txostenik ezta #ucifaktorea edo antzekorik, ondo uste zenuten moduan. Espero dugu barretxo batzuk behintzat eragin izana ;-)

Gorriz azpimarratu dute

riojaneiroBatzuek gorriz markatzen dute, beste batzuek borobiltzen dute. Nork bere erara nabarmentzen ditu egun garrantzitsuak poltsiko edo hormako egutegian. Bada hiru asteko itzulietan iaioak diren txirrindulari askok hori bera egin dute 2016ko abuztuaren 6arekin -biharamunean emakumezkoen txanda izango da-. Egun horretan jokatuko baita Brasilgo Olinpiar Jokoetako gizonezkoen errepideko lasterketa, Rio de Janeiron, cariocarren lurraldean. Ez da harritzekoa, izan ere, ibilbide gogorra prestatu dute. Duela lau urte, Vinokourovek Londresen urrezko domina kolkoratu zuenekoan ez bezala, Brasilen ibilbide aldapatsuari aurre egin beharko diote parte hartzaileek. Aurreneko zatian, aldapa motzak, eta bigarrenean luzeak eta gogorrak. Guztira, gainera, 253 kilometroko bide luzea, kasik amaigabea.  Tourreko mendiko etapa bateko profila dirudi, alajaina.

Gehiago irakurri

Garaiz dabil

Igor AntonBaieztapen ofiziala falta zen eta hura ere iritsi da azkenean. Igor Anton, Omar Fraile bezala, Hego Afrikako Dimension Data (lehengo MTN-Qhubeka) World Tourreko taldean ariko da 2016an. Hein batean behintzat, ustekabean harrapatu gaitu albisteak. Azken urteetan Movistarren aritu eta gero, Galdakaoko txirrindulariaren etorkizuna airean zegoen, guztiz, eta erretiro hitza ere entzun da azken aste eta hilabeteetan. Zorionez, pedalei eragiten jarraituko du Igor Antonek. Urteak joan dira Antonek Espainiako Itzulian eta Giroan besoak altxatu zituenetik. Mina ematen du gogoratzeak 2010eko Espainiako Vueltan gertatutakoa. Anton lider zela erori eta etxera joan zen eta Nibali izeneko gazteak irabazi zuen itzulia. Handik aurrera, dir-dir egin du italiarrak han eta hemen. Igor Antonek, aldiz, eutsi zion 2011n: Zoncolanen Giroko etapa irabazi zuen eta etxean, Bilbon Espainiako Vueltakoa poltsikoratu zuen.

Gehiago irakurri

Pintokoa pistolarik gabe

Contador helmugan tiroaren keinua egiten Oraindik kosta egiten da Parisen jazotakoa irenstea. Bai, orain astebete eskas izandako atentatu sortaz ari naiz. Bazirudien 11-S famatuaren ondoren hartutako segurtasun neurri aunitz eta eskandalagarri haien ondoren gauzak kontrolpean izatetik urruti daudela, alferrikakoak direla alegia. Akaso pentsatu beharko da, frantziarrei kasu honetan, horrelako gorrotoa eragiteraino zerk eraman dituen ekintzaile horiek. Baina hori “dakitenei utziko diegu”, asko baitira gaiaren inguruan dakitenak, telebista nahiz prentsan hala dirudi behintzat.

Gehiago irakurri

Irabazteko baimena

Geraint ThomasJames Bonden azken pelikula zinema aretoetan dagoela aprobetxatuta, zuen baimenarekin, Sky taldea eta MI6 zerbitzu sekretu britainiarra parekatuko ditut ondorengo lerrootan. Bond jaunaren pelikuletan, maiz, zerbitzu sekretuari men egin nahi ez diona izaten da gaiztoa, zitala. Bada, Sky taldean ere diziplina arazotxo bat edo beste izan dute Brailsfordek eta gainerako zuzendariek. Esate baterako, Sir Wigginsek irabazitako Tourrean, 2012an, Froomek taldeburua atzean utzi zuen mendiko etapa batean, nahita edo nahi gabe. Auskalo. Ordutik Froome izan da taldeko nagusia, baina ezin uka punta-puntako beste txirrindulari batzuk ere izan dituela Skyk, eta haietako batzuentzat bigarren mailan egotea ez da beti gozoa.

Gehiago irakurri

Marea berdea helburu

euskadi basque country murias teamMunduko txapelketa, Lonbardia eta Abu Dhabiko lasterketak ospatu ostean txirrindulari zaleek itxitzat ematen genion 2015 denboraldiari. Urte bat denetik utzi diguna beste behin. Kasik astirik utzi gabe dastatzeko kilometro mordoxkek utzi gaituzten fruituak hasi gara dagoeneko 2016ra begira.

Txirrindulari garrantzitsuenek hasiak dira argitaratzen urte berriko helburuak – adibidez egun hauetan jakin dugu Valverdek 36 urterekin lehen aldiz izango duela Giroko sailkapen nagusia jomugan, ondoren Nairo Quintanari lagunduko dio Tourrean eta abuztuan Rioko jokoetako hautagaien artean sartu beharko dugu ziurrenik. Eta taldeak ere hasi dira azken hilabeteetan egin dituzten fitxaketekin lan-taldeak ixten.

Gehiago irakurri

Larunbat honetan, denok Gabiriara

Heldu da Gabiria Koparen egun handia.

Txirrindularitzaren jaia izango da larunbatean (azaroak 14) Gabirian biziko duguna. Denboraldi-amaierako festa handia, hainbat ekintza izango dituena.

kartela 2

2015ean Euskal Herrian korritu diren lasterketa profesional guztiak kontuan hartuta (mutilenak eta neskenak), badakigu nortzuk izan diren gure irabazleak, eta orain txirrindulariei sariak banatzeko unea heldu da. Mutiletan, Purito Rodríguez, Ion Izagirre eta Michal Kwiatkowski; nesketan, Kasia Niewiadoma eta Eider Merino.

Baina ez hori bakarrik: urtero egingo dugun ekitaldi honetan, Euskal Herriko txirrindularirik handienak ere omendu nahi ditugu, eta aurten Txomin Perurenaren txanda izango da.

Zenbat garaipen ez ote dauden “Peru”-ren hanketan! 12 etapa Vueltan, 2 etapa Giroan, 9 etapa Euskal Herriko Itzulian, 5. postua Munduko Txapelketan… Baina ez soilik etapak eta egun bakarreko lasterketak: Espainiako Vueltan bigarren geratu zen 1975ean, Tourreko mendiko sailkapena irabazi zuen 1974an… galantak egin ditu oiartzuarrak. Talde-zuzendari gisa ere, ez da makala izan; eta orain, Euskadi Irratian, esatari-lanetan goza dezakegu bere jakinduriaz eta graziaz.

Imajina dezakezue zer izan daitekeen Perurenaren ondoan bazkaltzea eta haren kontuak entzutea? Ba adi, txirrindulari gehiago ere etorriko dira eta. Esate baterako, Euskal Herriak eman duen txirrindularirik handienetakoa: Joane Somarriba, nor bestela! Eta, gainera, Jose Nazabal, Jose Luis Mayoz, Ramontxu González Arrieta, Gorka Izagirre, Jon Ander Insausti, Pello Olaberria… gutxi batzuk baino ez aipatzearren.

15 €-ren truke, ziklismo-giroko tertulia ederrean hitz eta pitz aritzeko aukera izango duzue. Eta seme-alabak ere ekarri nahi badituzue, arazorik ez!

Hori bai: osteguna baino lehen eman behar da izena, 688.635.532 telefonora deituta edo gabiriakopa@gmail.com helbidera idatzita.

Gainera, bazkariaz gain, txirrindularitzari buruzko liburuak eta ekipazioak erosteko aukera ere egongo da, Tropelak, Libros de Ruta argitaletxeak eta Urtekariak stand bana jarriko baitute euren produktuekin.

Animatu zaitezte! Luzaroan gogoratzeko moduko eguna izango da!

(Jarraitu gaitzazu Twitterren: @gabiriakopa)

Argia da Nibali. Argiena?

Denboraldi gorabeheratsua izan da zalantzarik gabe Nibalirena. Frantziako Tourra hasi aurretik iazkoaren antzeko ibilbidea zeraman, soilik bere herrialdeko txapelketa poltsikoan zuelarik. 2014ko prestaketa berbera, beraz. Noski, iazko Tourrean egindakoa eginez gero (4 etapa eta sailkapen nagusia) gainontzeko denak barkatuta daude.

Baina aurtengoan gauzak ez dira berak uste bezain ongi irten. Nahi baina exkaxago frantziar maldetan, lasterketa osoa ezinean ibili ondoren etapa batekin makilatu du bere partaidetza. Noski, hau ez da halako presupuestoa duen txirrindulari batentzako nahiko emaitza, eta taldeko ugazabak Espainiara bidali zuen #laVuelta (ez #LV2015) lehiatzera. Eta hara, bigarren etapan etxera,  nola eta kamerek taldeko autoari eskegita harrapatu ostean.

Gehiago irakurri